Ylli portugez, Cristiano Ronaldo tashmë është shumë afër largimit nga klubi anglez, Manchester United.

Arsyeja e largimit është sepse CR7 dëshiron të luajë në një ekip i cili merr pjesë në Champions League.

“Djajtë e Kuq” tashmë nuk janë duke luftuar ta bindin portugezin të qëndrojë dhe kanë filluar menjëherë punën për zëvendësimin e tij.

Gazetari italian Gianluca Di Marzio ka raportuar se Manchester United i jenë vënë pas argjentinasit, Paulo Dybala, përcjell arbresh.info.

Dybalas tashmë i ka skaduar kontrata me skuadrën italiane, Juventus dhe tashmë është lojtarë i lirë.

Ndërsa interesim për kartonin e argjentinasit, kanë shprehur klube të mëdha evropianë si Milan, Inter dhe Paris Saint-Germian.

Dybala kërkohej në Premier League edhe më parë, më saktësisht nga Tottenhami, por ky transferim nuk ishte realizuar asnjëherë.

Trajneri i ri i “Djajve të Kuq”, Erik ten Hag, ka kërkuar nga klubi që sa më shpejt të gjetet një zgjidhje për repartin e sulmit, ndërsa tashmë kanë filluar seancat stërvitore ku në dy të fundit, Cristiano Ronaldo ka munguar përshkak të “arsyeve personale”. /arbresh.info/